Vendimi/ Ndryshohen kontratat e punonjësve të përkohshëm. Tashmë bëhen 6 mujore për personelin e Urgjencës Kombëtare dhe Agjencisë së Zhvillimit Bujqësor
Qeveria në mbledhjen e 6 majit të Këshillit të Ministrave ka miratuar vendimin për disa ndryshime në kontratat e punonjësve të përkohshëm të administratës.
Kështu pra preken në mënyrë direkte 14 specialistët në shërbim të Agjencisë për Zhvillim Bujqësor dhe Rural, të cilëve i është zgjatur periudha e punësimit nga data 1 maj deri në 31 dhjetor për një periudhë 8-mujore me 6 orë punë në ditë.
Ndërkaq në vendimin e mëparshëm për specialistët, kontrata parashikohej për 4 muaj me 8 orë punë në ditë.
Qeveria gjithashtu edhe Ministrisë së Shëndetësisë dhe Mbrojtjes Sociale i ka zgjatur kontratat për 35 punonjësit mjekë/infermierë/shoferë të Qendrës Kombëtare Urgjencës Mjekësore, të cilat tashmë bëhen gjithashtu 6-mujore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.