Vendimi për shpronësimet te “Pallati me Shigjeta- Shqiponja” ndryshon pa kaluar java! Fondi do të merret nga buxheti i ministrisë
Pa kaluar një javë nga miratimi i vendimit për shpronësimin e pronarëve që preken nga projekti “Rehabilitimi i segmentit rrugor “Pallati me shigjeta – rrethrrotullimi “Shqiponja” qeveria ka ndërhyrë sërish në vendim duke bërë një rishikim të tij, të paktën sa i përket fondit financiar.
Vendimi i 17 prillit parashikonte se për kompensimin do të përdorej një fond në vlerë të përgjithshme 1 miliardë e 224 miliardë lekë.
Vendimi i parë parashikonte se vlera e përgjithshme e shpronësimit, do të përballohej nga llogaria “Fondi i shpronësimeve”, në Bankën e Shqipërisë.
Me vendimin e miratuar në mbledhjen e fundit, parashikohet se fondi 1.2 miliardë lekë nuk do të merret nga fondi i shpronësimeve por nga buxheti i viti 2019, miratuar për Ministrinë e Infrastrukturës dhe Energjisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.