Vendimi/ Qeveria akordon fondin për grantet e tërmetit në bashkitë Kurbin, Durrës, dhe Shijak
Qeveria ka akorduar shpërndarjen e fondit prej 1 349 321 530,38 lekësh (një miliard e treqind e dyzet e nëntë milionë e treqind e njëzet e një mijë e pesëqind e tridhjetë presje tridhjetë e tetë) në tre bashki të tjera Kurbin, Shijak dhe Durrës.
Këto para janë pjesë e granteve që qeveria do të japë për të gjithë banesat që kanë nevojë për rikonstruktime por jo të rindërtohen nga e para, që mund të përfshijnë nga apartamente individuale, ato në pallat dhe ato në gjendje bashkëpronësie,.
Sipas vendimit fondet që akordohen për çdo bashki janë si më poshtë:
a) Bashkisë Kurbin i transferohet fondi prej 830 944 728,38 (tetëqind e tridhjetë milionë e nëntëqind e dyzet e katër mijë e shtatëqind e njëzet e tetë presje tridhjetë e tetë) lekësh për:
b) Bashkisë Shijak i transferohet fondi prej 127 176 802 (njëqind e njëzet e shtatë milionë e njëqind e shtatëdhjetë e gjashtë mijë e tetëqind e dy) lekësh për financimin për rikonstruksion ose riparimin e mjediseve në bashkëpronësi ose të përbashkëta në ndërtesa (pallat).
c) Bashkisë Durrës i transferohet fondi prej 391 200 000 (treqind e nëntëdhjetë e një milionë e dyqind mijë) lekësh për financimin e rikonstruksionit të banesave individuale dhe të njësive të banimit në ndërtesa (pallat), për ata individë të cilët përfitojnë nga grantet e rikonstruksionit, banesat e të cilëve janë klasifikuar si objekte të dëmtuara rëndë apo të dëmtuara lehtë, si pasojë e fatkeqësisë natyrore, dhe që nuk duhen rindërtuar nga e para.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.