Vendimi/ Qeveria rialokon fondet për përmbytjet në Shkodër! Heq 20 mln lekë nga Bujqësia, i kalon të Mbrojtja

Këshilli i Ministrave ka vendosur të rialokojë një fond 20 milion lekë të cilat do të përdoren për sigurimin e bazës ushqimore për blegtorinë në zonat e përmbytura në Shkodër.

Referuar vendimit, Ministrisë së Bujqësisë dhe Zhvillimit Rural, në programin buxhetor  “Zhvillimi rural duke mbështetur prodhimin bujqësor e blegtoral, agroindustrinë dhe marketingun”, artikulli  “Transfertë në buxhetet familjare”), zëri “Shpenzime korente”, i pakësohet fondi prej 20 000 000 (njëzet milionë) lekësh.

Ndërkohë, Ministrisë së Mbrojtjes, në programin buxhetor “Mbështetja e luftimit”, i shtohet fondi i përmendur në shkronjën “a”, të kësaj pike, për t’u përdorur për sigurimin e bazës ushqimore për blegtorinë në zonat e përmbytura në Shkodër.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.