Vendimi/Zgjerohet sipërfaqja e varrezave publike Tufinë me 20 mijë metër katror

20.401 metër katro është sipërfaqja që do ti shtohet varrezave publike Tufinë. Për këtë sipërfaqe janë shpronësuar 12 pronarë. Vendimi për shpronësimin e pronarëve të pasurive të paluajtshme, është bërë në favor të Bashkisë Tiranë, ndërsa vlera e plotë e kompensimit  shkon prej 8 503 936 lekësh.

Vendimi “për shpronësimin, për interes publik, të pronarëve të pasurive të paluajtshme, pronë private, që preken nga realizimi i projektit “shtimi i sipërfaqes së varrezave publike Tufinë” është botuar në fletoren zyrtare.

Shpenzimet procedurale, në vlerën 50 000 (pesëdhjetë mijë) lekë do të përballohen nga buxheti i vitit 2017, miratuar për Ministrinë e Zhvillimit Urban. Për zbatimin e këtij vendimi është ngarkuar Ministria e Zhvillimit Urban, Zyra Vendore e Regjistrimit të Pasurive të Paluajtshme Tiranë dhe Bashkia Tiranë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.