Vendos Gjykata e BE – Fiat do të paguajë gjobë, Starbucks ja hedh paq
Fiat do të duhet të paguajë rreth 30 milionë euro në taksa, sipas Gjykatës së Përgjithshme Europiane, që vendosi gjithashtu në një rast tjetër se shuma e Starbucks do të jetë më e ulët. Komisioni Europian deklaroi përpara tre vitesh se të dy kompanitë kanë përfituar lehtësime të jashtëligjshme tatimore të ofruar nga Luksemburgu dhe Holanda.
Komisioni gjykoi atëherë se Luksemburgu dhe Holanda i kanë dhënë avantazh selektiv tatimor Fiat dhe Starbucks, në mënyrë respective. Dakordësia tatimore u përshkrua nga Komisioni si “artificiale dhe komplekse” dhe nënkupton se të dy firmat kanë paguar norma më të ulëta të taksave. Komisionerja e konkurrencës, Margarethe Vestager tha atëherë se njësia e Fiat në Luksemburg ka paguar më pak se 0.4 milionë euro taksa korporative, ndërsa filiali holandez i Starbucks ka paguar më pak se 0.6 milionë euro.
Për rrjedhojë, Komisioni i detyroi të dy vendet që të mbledhin rreth 20-30 milionë euro nga secila kompani. Megjithatë, gjykata e dytë më e madhe në Europë vendosi në mënyrë të ndryshme për të dyja rastet. “Gjykata e Përgjithshme konfirmon vendimin e Komisionit për ndihmën e dhënë nga Luksemburgu ndaj Fiat. Në lidhje me Starbucks, Komisioni dështoi të provojë ekzistencën e një avantazhi në favor të kompanisë”, deklaroi gjykata. Të dy kompanitë, në raste të ndryshme, kërkuan për anulimin e vendimit të Komisionit.
Starbucks argumentoi se Komisioni ka bërë një gabim material ligjor dhe një gabim të vlerësimit kur ka interpretuar dhe aplikuar rrjetin referencë. Luksemburgu, Irlanda dhe Holanda janë ndër vendet që kanë përfituar më shumë në tërheqjen e kompanive ndërkombëtare.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.