Vetë-testimi i Covid-19 nga shtëpia. FDA miraton testin e parë të tillë që jep përgjigje në 30 minuta

Administrata e Barnave dhe Ushqimeve në SHBA, deklaroi se ka miratuar kitin e parë të vetë-testimit në shtëpi të Covid-19, që jep rezultate brenda 30 minutave.  Administrata deklaroi se testi i njëhershëm, ka marrë autorizim emergjent për përdorim në shtëpi me tampon që mblidhen nga vetë individët në moshë 14 vjeç e sipër, që dyshohet se janë pozitivë.   “Ndërsa testet diagnostic janë autorizuar për mbledhje në shtëpi, ky është i pari që mund të administrohet tërësisht nga individi dhe ofron rezultate në shtëpi”- deklaroi komisioneri i administratës Stephen Hahn.

Kiti mund të përdoret gjithashtu në spitale apo qendra të kujdesit, por provëzat dueht të mblidhen nga ofruesit e kujdesit shëdnetësor, nëse individi që testohet ësthë më i vogël se 14 –vjeç.  Pavarësisht lajmeve pozitive të vaksinave nga Moderna dhe Pfizer, testimi është ende një faktor kryesor në kontrollin e virusit.

“Ne synojmë të bashkëpunojmë me zhvilluesit e testeve për të mbështetur disponueshmërinë e më shumë opsioneve nga shtëpia”- deklaroi FDA.  Shtetet e Bashkuara kaluan 11 milionë infeksione në fundjavën e kaluar, në vetëm 8 ditë pasi kaluan 10 milionë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.