Vetting në politikë për të rrëzuar muret e korrupsionit – Basha jap mesazhin e radhës: Varfëron familjet shqiptare, cënon rendin dhe sigurinë
Siç ka ndodhu vazhdimisht javëve të fundit, dhe këtë të dielë, kreu i Opozitës Lulzim Basha ka vijuar të japë mesazhe lidhur me Vetting-un e politikanëve. Përmes një postimi në rrjetet sociale, ai ka nënvizuar se Vettingu në politikë, është një nga shtyllat kryesore ku po përqendrohet aksioni i opozitës.
Sipas Bashës, Shqipëria është vendi i parë në Europë për korrupsionin në nivelet qeverisës dhe se vettingu në politikë do i jap zgjidhje këtij problemi që po cenon sigurinë dhe demokracinë në vend.
“Që të mos jemi të parët në Europë për përhapjen e korrupsionit në të gjitha nivelet e qeverisjes dhe të dytët në botë për ryshfetin, Shqipëria ka nevojë për vetting në politikë. Rrëzimi i murit të korrupsionit, si pengesa që varfëron familjet shqiptare, cënon rendin & sigurinë dhe vret demokracinë, do çlirojë potencialin e jashtëzakonshëm të Shqipërisë dhe do të hapë rrugën drejt BE-së”, shkruan Basha.
Vetting-u në politikë është një nismë e Propozuar nga Partia Demokratike që në vitin 2018, por e rrëzuar nga mazhoranca me justifikimin se ajo dublon reformën në drejtësi. Opozita ju kthye përsëri kësaj nisme para pak javësh, me disa ndryshime. Ato parashikojnë që të jetë SPAK organi që të hetojë dhe të verifikojë pasuritë e politikanëve.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.