Vetting politikës, debate në Kuvend – PS, voton për ta dërguar në Venecia, PD: Zvarritje nga frika

Është zhvilluar mes debatesh të shumta seanca e parë kuvendore për shqyrtimin e ndryshimeve kushtetuese të kërkuara nga Partia Demokratike për Vetting-un në Politikë. Ndryshimet janë diskutuar në takimin e përbashkët  të Komisionit Parlamentar të Ligjeve dhe Këshillit të Legjislacionit, ku Kreu i Kuvendit Gramoz Ruçi ka paraqitur procedurën për shqyrtimin dhe miratimin e propozimit. Gjë që ka sjellë reagimin e menjëhershëm të opozitës, sipas së cilës, procedura është zvarritur qëllimisht që të vonohet miratimi i ndryshimeve, ndërkohë që ato mund të miratohen brenda një jave.

Pikë tjetër e debatuar fort nga Partia Demokratike, ishte kërkesa e Partisë Socialiste për ta dërguar propozimin për opinion në   Komisionin e Venecias.

Pavarësisht pretendimeve të opozitës, mazharanca miratoi me votim procedurën e miratimit të ndryshimeve kushtetuese, si dhe që drafti të dërgohet për opinion në Komisionin e Venecias.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.