Vetting-u, efektet e padëshiruara – Hazizaj: Gjykatat në ngërç, gjyqtarët nën presion, dëm qytetarëve
Konstitucionalisti i njohur Sokol Hazizaj thotë se zvarritja e theksuar e Reformës në Drejtësi, veçanërisht e procesit të Vetting-ut, po jep një seri efektesh anësore të padëshiruara.
Në një intervistë ekskluzive për TV Scan, Hazizaj shpjegon se Gjykata Kushtetuese, e Larta, po edhe ajo e Apelit Administrativ janë thuajse në ngërç të plotë për këtë shkak, ndërkohë që po pengojnë krijimin e strukturave të reja për antikorrupsionin në drejtësi.
Por, ç’është më e rëndësishmja, qytetarët nuk po marrin drejtësi për shkak të ngërçit të sistemit, si dhe presionit të fortë që po ushtrohet nga Vetting-u ndaj gjyqtarëve që ndikon edhe vendimmarrjen tyre.
Intervistën e plotë të Konstitucionalistit, Sokol Hazizaj do të mund ta ndiqni në Televizionin SCAN në orën 19.30.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.