Vetting-u në radhët e policisë – Nis punën nënkomisioni i posaçëm i mbikëqyrjes së procesit
Është zhvilluar të premten paradite takimi i parë i Nënkomisionit Parlamentar që do mbikqyrë procesin e Vetting-ut në Polici. Mbledhja ishte e karakterit formal dhe gjatë saj u prezantuar vetëm 4 pjesëtarët e mazhorancës. Kreu i Nënkomisionit Ermonela Felaj tha se opozita nuk i është përgjigjur zyrtarisht thirrjes për pjesëmarrje në këtë nënkomision.
Mbledhje e radhës së Nënkomisionit do të bëhet të martën e ardhshme dhe është parashikuar që në të të marrë pjesë një përfaqësues i Ministrisë së Brendshme, i cili do raportojë mbi ecurinë e konstituimit të Organeve që do kryejnë Vetting-un në radhët e policisë.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.