Vettingu në Drejtësi, Daci: Mbi 50% e totalit të vendimeve të gjykatave, korruptive

Mbi 50% e vendimeve gjyqësore të dhëna në vite nga institucionet tona të drejtësisë kanë qenë subjekt korrupsioni, E dhëna shqetësuese vjen nga avokatët, të cilët e perceptojnë të parët dhe më shumë se kushdo tjetër korrupsionin e gjyqësorit.

Në një intervistë për Scan, eksperti i drejtësisë Jordan Daci thotë se një nivel kaq i lartë korrupsioni ka ardhur për shkak të futjes në sistem të personave të pakualifikuar dhe kapjes së tij nga politika.

“Korrupsioni, të jem i sinqertë ka filluar në faza të hershme, por në masa shumë më pak të ndjeshme. Sot tashmë dhe vetë prokurorët dhe gjyqtarët, dhe çdo aktor i këtij sistemi pranon që korrupsioni është kthyer në problemin numër një, mbi një masë mbi 50 për qind”.

Daci thotë se një nivel kaq i lartë korrupsioni ka sjellë humbjen e besimit të publikut në sistem, i cili mund të kthehet vetëm në rast se procesi i Vetting-ut do të zhvillohet me seriozitet maksimal.

L.R/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.