VIDEO-Nipi i Lindbergh hedh në treg taksitë fluturuese anti-trafik!
Gjyshi, me kapërcimin transoqeanik të 90 viteve më parë hapi rrugën e fluturimeve mes kontinenteve. Nipi, në mënyrë më modeste nëse analizohet në kontekstin e parametrave në kilometra, do të tentojë të bashkojë dy lagje në metropol duke kapërcyer dallgët e trafikut.
Erik Lindbergh ka vendosur të ndjekë gjurmët e gjyshit Charles, aviatorit të parë në histori që arriti të kapërcejë me një fluturim të vetëm oqeanin që ndan Europën dhe Amerikën në 1927. Për këtë qëllim ai ka krijuar kompaninë “VerdeGo Aero” me dy pionerë të tjerë të fluturimit modern.
Ai ka përgatitur një prototip të një taksie të lehtë fluturuese PAT200 (Personal Air Taxi). PAT200 nuk është një model ekskluzivisht elektrik por hibrid që lëviz falë një motori tradicional që prodhon energjinë e nevojshme për furnizimin e 8 motorëve të vegjël. PAT200 ka krahë që i mundësojnë ngjitjen dhe uljen.
Përtej pikëpyetjeve që ka për një projekt të tillë, misioni i avionit të ri për të cilin po punojnë edhe kompani të mëdha e me peshë si Airbus, Boeing e kompani të tjera përfshirë Uber – nuk kufizohet vetëm në botën e taksive por sheh edhe transportin e mallrave, ambulancave e ndihmave humanitare. Po ashtu, PAT200 është projektuar për të transportuar derri në 230 kilogramë ngarkesë por për momentin ka një limit fluturimi që nuk i kalon 65 kilometrat me shpejtësinë që shkon afërsisht 240 kilometra në orë. “Ekonomia globale na ka përfshirë në mesin e një trafiku të përjetshëm dhe kjo ndodh prej vitesh por tashmë falë teknologjive të reja mund të transformojmë ëndrrën e makinave fluturuese ,në realitet. Shpejt do të mund të bëjmë prenotim përmes smartphone-s për “Personal Air Taxi” për të arrirë në një prej shumë “Verti-Port” (aeroportë vertikalë) të shpërndarë nëpër qytet” shprehet Erik Lindbergh.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.