VIDEO/Shembet Godina e Teatrit Kombëtar! Fadroma, forca policie, arrestime dhe reagime nga politika
Godina e Teatrit Kombëtar në Tiranë është shembur, për t’i hapur rrugë ndërtimit të godinës së re që do të ndërtohet në të njëjtin vend. Ndërhyrja e fadromave është shoqëruar nga ndërhyrja e forcave policore për të larguar artistët dhe figurat publike që kishin dalë kundër vendimit dhe prej më shumë se 1 viti ishin përfshirë në protestë për të kundërshtuar vendimin.
Ja, fytyra e pushtetit të pushtëve. Mëngjes herët filluan shembjen e Teatri Kombëtar me njerëz brenda. Me mijëra policë te fshehur si minj gjirizesh në bodruemt e Bashkisë u turrēn mbi aktorët dhe qytetarët që mbronin historinë dhe pronēn e tyre.#ngrihunishqiptar#ndërtodemokracinë
Posted by Aleanca për Mbrojtjen e Teatrit – zyrtare on Saturday, May 16, 2020
Godina e Teatrit Kombëtar është ndërtuar në fund të viteve ’30 dhe është projektuar nga një arkitekt italian ndaj edhe artistët dhe figurat publike kërkonin ruajtjen e tij si objekt të trashëgimisë kulturore.
Fillimisht qeveria shqiptare hapi një garë ku u përzgjodh fitues një projekt që parashikonte që veç godinës së teatrit të ndërtohej dhe një godinë për shërbime publike por më pas ky projekt u anulua dhe u kalua në një plan tjetër, atë që parashikon ndërtimin e teatrit me fonde publike.
Vendimi për shembjen e godinës së teatrit ka sjellë edhe reagimet e para në radhët e politikës.
Sipas kreut të opozitës Lulzim Basha, shembja e godinës së teatrit është “një veprim që shpjegohet me tre fjalë: dhunë, babëzi dhe hajdutëri”. Sipas Bashës, policia ka ushtruar dhunë ndaj gazetar2ëve dhe protestuesve të tjerë që ishin në mbrojtje të godinës.
LIVE – Nga Teatri Kombëtar
Posted by Lulzim Basha on Saturday, May 16, 2020
Edhe kryetarja e LSI-së Monika Kryemadhi ka reaguar ashpër duke e cilësuar si “shkatërrim të historisë” ndërsa ka bërë apel që të “mos njihet shteti i Edi Ramës”.
Posted by Monika Kryemadhi on Saturday, May 16, 2020
Edhe kryeministri Edi Rama ka reaguar pas aksionit për shembjen e godinës së teatrit duke postuar një video në faqen e tij zyrtare në Facebook ku përmend disa nga projektet e zhvilluara deri më tani në Tiranë ku edhe më herët ka pasur protesta para se të bëheshin. Sipas kryeministrit, protestuesit janë të njëjtën persona që kanë protestuar edhe për projekte të tjera madhore.
MIRËMËNGJES 😊
Posted by Edi Rama on Saturday, May 16, 2020
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.