[Video] Shpronësimet për Unazën e Re -Dhunë e përplasje gjatë protestës së banorëve, 12 efektivë të plagosur

Përshkallëzohet protesta e banorëve të unazës së Re  në dhunë  mes tyre dhe efektivëve të policisë , përballë parlamentit,  gjatë kohës që po zhvillohej seanca plenare. 12 efektivë u  lënduan me mjete të forta  një prej të cilëve me dëmtime të rënda në krah.

Protestuesit kërkojnë  dëmshpërblim të plot  nga qeveria për banesat e tyre përfshirë edhe ato që janë  ende pa u legalizuar , për televizionin SCAN ata  shprehen se janë taksa pagues të rregullt dhe se  shteti qëllimisht nuk i ka legalizuar shtëpitë e tyre edhe pse procedurat kanë nisur.

Të plagosur ka pasur  edhe nga ana e protestuesve ndërkohë që 11 prej tyre janë  shoqëruar nga policia  për “plagosje të rëndë me dashje”, “organizim dhe pjesëmarrje në grumbullime dhe manifestime  të paligjshme” si dhe  për “prishje të rendit dhe sigurisë publike”. Në mbështetje të protestuesve kanë dalë edhe deputetë të opozitës.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.