VIDEO-Si ishte qyteti i Sarandës në vitin 1924! Filmimet nga koleksioni i industrialistit të njohur amerikan që dokumentoi udhëtimin përmes Europës
Pamjet filmike të mësipërme i përkasin vitit 1924 dhe tregojnë qytetin e Sarandës dhe portin. Filmimet i përkasin arkivës së amerikanit George Wallace Struble (1886-1971) dhe kanë dokumentuar udhëtimin e tij në Europë.
Filmimet janë ndarë në dy pjesë, ku pjesa e dytë përmban udhëtimin e tij në Venecia për të vijuar më pas në Sarandë e më pas në Greqi. Struble ishte diplomuar në Akademinë Detare amerikane në vitin 1908 dhe do të punësohej në kompaninë e çelikut “Bethlehem Steel” duke arritur të bëhej edhe zëvendëspresident i saj.
Kjo kompani do të zinte vendin e dytë në Amerikë për prodhimin e çelikut dhe do të ishte kompania që mbante vendi e parë sa i përket ndërtimit të anijeve. Koleksionin e filmimeve do ta trashëgonte vajza e tij Margaret Struble Pazzetti, e cila do ta shoqëronte babain e saj në udhëtimet e dokumentuara.
Kreshnik KUÇAJ/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.