(VIDEO)Operacioni “Pastrojmë Shqipërinë që duam”- Nis aksioni 3 ditor për pastrimin e qarkut të Beratit, zonat ku do të ndërhyhet

Në kuadër të operacionit “Pastrojmë Shqipërinë që duam, Ministria e Turizmit dhe Mjedisit,  organizon në datat 15, 16 dhe 17 Dhjetor në Qarkun e Beratit, aksionin e pastrimit dhe rehabilitimit dhe gjelbërimit në moton “Pastrojmë Beratin që duam”.

Aksioni tre ditor filloi në orën 09.00 te Pallati i Kulturës në Berat , ndërkohë që në krye të aksionit është ministri i Turizmit dhe Mjedisit, Blendi Klosi i cili lançoi më 24 nëntor 2017 operacionin “Pastrojmë Shqipërinë që duam”.

Gjatë  ditës së parë të aksionit do të ndërhyhet në pastrimin dhe thellimin e shtratit të lumit Osum në segmentin Ura e Velabishtit – Uznovë.

Do të pastrohet dhe do të zgjerohet kanali te lumit te shëtitorja Osumi, do të pastrohen inertet nga  aksi Ura  e  Re  Velabisht – Ura e  Goricës, do të pastrohen në lagjet Goricë dhe 13 Shtatori, si dhe rrugët e sheshet në aksin Varreza Burdullias – Q.Kala,m në aksin Ish Merkato –  Q.Kala, por  dhe rrugët kryesore në njësinë Administrative Otllak, Sinje, Roshnik, Velabisht.

Në këtë aksion në qarkun e Beratit janë përfshirë Forcat e Armatosura, prefektura, bashkitë Berat dhe Ura Vajgurore, TAP. Ecovolis, FRESSH Green, kompani private, shkollat e qarkut Berat, vullnetarë e qytetarë.

Në funksion të pastrimit do të vihen 7 mjete vetëshkarkuese, 9 skrepa dhe 3 mjete të firmave të pastrimit.

Gjatë dy ditëve të tjera të aksionit do të bëhet pastrimi i segmentit të akseve kryesore të rrugëve; Ura Vajgurore dhe Berat, nga mbetjeve pas daljes së lumit nga shtrati, rehabilitimi dhe më pas gjelbërimi me fidanë të rinj që do të mbillen nga vullnetarët, nxënësit e shkollave dhe forcat e armatosura.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.