Videot, prioriteti më i ri i Facebook
Gjatë ditës së sotme Facebook tha se do të promovonte akoma edhe më shumë videot në “News Feed” në mënyrë që të ngjallte më shumë interes tek përdoruesit dhe të konkurrojë drejtpërdrejtë me Youtube.
Rrjeti social tha gjithashtu se do të përmirësonte reklamat që shfaqen brenda videove.
“Facebook News Feed”, është ajo me të cilën hasen të gjithë përdoruesit sapo hapin aplikacionin i cili përbëhet nga postimet e miqve dhe bizneseve.
Një sistem kompleks radhitjeje vendos se cilat postime përdoruesit do të shohin të parët.
Vitin e fundit rrjeti social ktheu fokusin drejt videos duke investuar më shumë. Në Gusht krijoi një shërbim të quajtur Watch me përmbajtje nga Vox dhe Discovery Communications, raporton PcWorld.
Me përditësimin e radhës përdoruesit me shumë gjasa do të shohin më shumë video në News Feed.
Që nga viti i ardhshëm Facebook do të testojë reklamat në fillim të videove të njohura edhe si “pre-roll,” diçka që rrjeti social e ka shmangur në të kaluarën.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.