Vidhen 3 piktura historike që datojnë prej 1616/ Vlera e tyre arrin ‘miliona paund’

Tri piktura historike, të cilat mendohet të jenë me vlerë miliona paund, janë zhdukur nga një galeri arti brenda natës. Policia është në kërkim të hajdutëvd që vodhën pikturat, nga një galeri arti në St Aldates, në Oksford, njëra prej të cilave daton që prej vitit 1616.

E pikturuar nga Anthony Van Dyck në 1616, vepra mendohet se vlen më shumë se 1 milion paund.
Shefi i policisë, Jon Capps, është shprehur se:
‘Pikturat që janë vjedhur, datojnë nga shekujt e XVI dhe XVII dhe kanë një vlerë shumë të madhe monetare. Ende nuk e kemi gjetur vendodhjen e tyre, por jemi duke hetuar dhe për të vënë përpara drejtësisë përgjegjësit për këtë vjedhje.’’

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.