Vidhte banesa në qytetin e Vlorës – Policia arreston në flagrancë 32 vjeçarin

Në vijim të punës për parandalimin e vjedhjeve, zbardhjen e atyre të ndodhura më parë, evidentimin dhe kapjen e autorëve, si rezultat i një pune intensive dhe të mirë organizuar, specialistët për Hetimin e Krimeve në Komisariatin e Policisë Vlorë njoftuan se finalizuan operacionin policor të koduar “Brava”, si rezultat i të cilit arrestuan në flagrancë shtetasin E. D., 32 vjeç, banues në Vlorë, i dënuar më parë për veprën penale “Vjedhja”.

Sipas njoftimit nga hetimet e kryera dhe provat e siguruara ka rezultuar se ky shtetas është autori i dyshuar i 11 vjedhjeve banesash të ndodhura më parë, në qytetin e Vlorës, konkretisht:

• Më datë 29.10.2021, ka vjedhur në banesën e shtetasit T. M.
• Më datë 28.10.2021, ka vjedhur disa bizhuteri në banesën e shtetases Y. H.
• Më datë 26.10.2021, ka vjedhur një shumë parash në banesën e shtetasit K. Z.
• Më datë 21.10.2021, ka vjedhur një shumë parash në banesën e shtetasit M. P.
• Më datë 22.10.2021, ka vjedhur një shumë parash dhe sende me vlerë në banesën e shtetases V. B.
• Më datë 01.09.2021, ka vjedhur në banesën e shtetasit H. C.
• Më datë 15.08.2021, ka vjedhur në banesën e shtetases M. M.
• Më datë 03.08.2021, ka vjedhur në banesën e shtetases L. Y.
• Më datë 05.06.2021, ka vjedhur një shumë parash dhe sende me vlerë në banesën e shtetasit Ç. T.
• Më datë 04.06.2021, ka vjedhur disa sende me vlerë në banesën e shtetases B. A.
• Më datë 31.05.2021, ka vjedhur disa elektroshtëpiake në banesën e shtetases S. A.

Policia informon se në cilësinë e provës materiale u sekuestruan disa prej sendeve të vjedhura dhe mjetet të cilat autori i përdorte për realizimin e vjedhjeve ndërsa materialet i kaluan Prokurorisë së Rrethit Gjyqësor Vlorë, për veprën penale “Vjedhja”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.