Vietnami kërkon të prodhojë vaksina / Do të furnizojë me doza COVAX, nëse i jepet patenta për të prodhuar

Vietnami po synon të blejë teknologjinë e prodhimit të vaksinës së Covid-19 dhe kërkon të ndërtojë një fabrikë për të ofruar furnizime ndaj COVAX, sipas ministrisë së Shëndetësisë, ndërkohë që vendi përpiqet të përshpejtojë vaksinimin dhe ndaluar rritjen e fundit të infeksioneve.  India dhe Afrika e Jugut janë ndër vendet në zhvillim që kanë bërë thirrje për heqjen dorë nga prona intelektuale e vaksinës së Covid-19.  Megjithatë, edhe me mbështetjen surprizuese të Shteteve të Bashkuara për të hequr dorë nga patenta, bisedimet tek Organizata Botërore e Tregtisë në nisje të javës dështuan për të arritur në një dakordësi.

“Vietnami kërkon të ndërtojë një fabrikë dhe të marrë patentën që të mund të furnizojë vaksinat tek COVAX, si dhe për vetë vendin”- deklaroi ministria, pas një takimin me përfaqësuesit e COVAX. Vietnami u përpoq gjithashtu për prokura private të vaksinave, ndërkohë që po përpiqet të ndalojë rritjen e shpejtë të infeksioneve në muajin e fundit. Vendi me një popullsi prej 98 milionë ka marrë deri më tani 2.9 milionë doza, përfshirë 2.6 milionë doza nga COVAX, por është ende pas vendeve fqinje në fushatën e vaksinimit. Vendi e ka menaxhuar pandeminë relativisht me sukses në vitin e kaluar, por së fundmi ka regjistruar një rritje të shpejtë të rasteve, që sipas autoriteteve, mund të vijë nga një variant i ri i koronavirusit.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.