Vijon aksioni i sigurisë ushqimore – AKU bllokon lokalin në Durrës, tregtonte produkte pa etiketë!
Autoriteti Kombëtar i Ushqimit ka bllokuar një sërë produktesh si qumësht, ujë, pije freskuese, ketchup dhe majonezë në një lokal plazhi në Durrës. Drejtoria Rajonale e AKU në Durrës ka konstatuar se produktet kishin mungesë etikete në gjuhën shqipe.
Subjekti Xh.K ushtronte gjithashtu aktivitetin si fast-food në kundërshtim me ligjin (ndërkohë që rezulton i regjistruar si bar-kafe) dhe nuk dispononte sistem gjurmueshmërie për produktet.
Për kundravajtjet e konstatuara, AKU mori masa administrative si më poshtë:
- Gjobë me vlerë 50.000 lekë për etiketim produkti në kundërshtim me parashikimet ligjore dhe rregullatore.
- Gjobë me vlerë 100.000 lekë për mungesë të sistemit të gjurmueshmërisë.
- Bllokim i ushtrimit të paligjshëm të aktivitetit “fast-food” duke qenë se subjekti ishte i regjistruar vetëm si bar-kafe.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.