Vijon vaksinimi me njësitë lëvizëse – Manastirliu: Vaksinim për t’u mbrojtur nga varianti Delta, të hënën vijnë 44 mijë doza Pfizer
Në ditën e pestë të javës së hapur për vaksinimin e personave +18 vjeç në çdo komunitet, Ministrja e Shëndetësisë Ogerta Manastirliu, ndoqi nga afër vaksinimin me njësitë e lëvizshme në Ndroq. Ajo tha se ka dyshime që varianti Delta është duke qarkulluar në Shqipëri, por janë ende në pritje të rezultateve të laboratorëve të references, ndërkohë që bëri thirrje për vaksinim si masë mbrojtjeje ndaj tij. Manastirliu tha se të hënën mbërrin në vend një sasi tjetër e konsiderueshme e vaksinave Pfizer.
Në 24 orët e fundit janë kryer mbi 14 mijë vaksinime, ndërkohë që prej fillimit të procesit të vaksinimit, janë kryer 1,109,785 vaksinime në të gjithë vendin. Vaksinimi i hapur do të vijojë deri ditën e diel, nga ora 08:00-20:00 në qendrat shëndetësore dhe në qendrat e vaksinimit të përqendruar në të gjithë vendin.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.