Vila prej 470 milion euro do të shitet me ‘skonto’ – E vetmja në botë që strehon muralin e piktorit Karavaxho!
Vila e mrekullueshme në zemër të Romës me vlerë 471 milionë euro (535 milionë dollarë), e cila strehon muralin e vetëm në tavan në botë nga piktori italian Caravaggio, nuk arriti të tërheqë asnjë ofertues në ankand. Ajo kishte një çmim fillestar prej 350 milionë eurosh (mbi 400 milionë dollarë).
Tani pronarja e Villa Aurora, e lindur në Teksas, Rita Carpenter – e njohur më mirë si Princesha Rita Boncompagni Ludovisi, gruaja e tretë dhe e fundit e princit të ndjerë Nicolo Boncompagni Ludovisi – do të provojë përsëri pas tre muajsh. Sipas avokatit të saj, Beniamino Milioti, përpjekja e dytë e shtëpisë së ankandit Fallco Zucchetti do të bëhet më 7 prill me një ulje çmimi prej 20%, me një ofertë fillestare prej 282 milionë euro (320 milionë dollarë).
Ndërsa pjesa më e madhe e infrastrukturës u shkatërrua në shekullin e 19-të, Villa Aurora është e vetmja pjesë e mbetur e Villa Ludovisi, një shtëpi e shekullit të 16-të që konsiderohej “një nga mrekullitë e botës”, sipas historianit të artit Claudio Strinati.
Familja Boncompagni Ludovisi janë pasardhës të Papa Gregory XV dhe Villa Aurora ka qenë në qendër të një mosmarrëveshjeje të ashpër ligjore midis Carpenter dhe djemve të burrit të saj të ndjerë nga një martesë e mëparshme. Carpenter ka jetuar në pronë për 20 vjet dhe një gjykatës italian urdhëroi që shtëpia të dilte në ankand.
Por mirëmbajtja e pronës nuk do të jetë e lirë. Një nga kushtet për këdo që do të blejë pronën do të jetë të shpenzojë 11 milionë euro për shpenzime restaurimi. Nëse vila tërheq një ofertues në prill, me ligj qeveria italiane mund të përputhet me ofertën fituese dhe të marrë pronën në zotërim. Për historianen e artit Elizabeth Lev, kjo do të ishte zgjidhja ideale. CNN
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.