Vilat mbi ujë ‘më të mëdha në botë’ tani janë të hapura për të gjithë (FOTOT)
Luksi është sinonimi i hoteleve në Maldive, por Soneva Fushi sapo ka rritur nivelin akoma edhe më shumë. Resorti hapi ato që pretendon se janë vilat më të mëdha në botë me një dhe dy dhoma gjumi në 25 Shtator.
Saktësisht sa i madh është i madh? Vila me një dhomë gjumi janë 6,286 metra katrorë, ndërsa ato me dy dhoma gjumi janë 9,224 metra katrorë. Ndërsa ka edhe vila të tjera mbi ujë me më shumë metra katrore, këto janë vilat më të mëdha me një dhe dy dhoma gjumi në dispozicion.
Ekzistojnë tetë nga këto suita, të quajtura Dhoma uji, të disponueshme për rezervim.
Meqenëse thjesht thyerja e një rekordi me sa duket nuk ishte e mjaftueshme, këto tetë vila gjithashtu kanë panele dyshemeje xhami, për të parë koralet dhe peshqit më mirë nga afër pa pasur nevojë të hipni në një anije, vaska private në natyrë, hajatet prej druri me shezlong, pishina (në rast se oqeani thjesht nuk ju mjafton), çati të cilat tërhiqen për të parë yjet nga shtrati dhe rrëshqitëse uji.
Ashtu si shumë destinacione në Maldive, Soneva Fushi është në një ishull privat – në këtë rast, në ishullin Kunfunadhoo.
Ky është një lajm i mirë për njerëzit që janë të dëshpëruar të udhëtojnë tani – Maldivet janë të hapura për turistë nga çdo vend, me kusht që ata të qëndrojnë në një ishull gjatë gjithë kohës së qëndrimit të tyre.
Duke pasur parasysh që prona ka shumë restorante (duke përfshirë edhe një dhomë me çokollatë), një klub për fëmijë, fusha tenisi, një observator, një gumë të dedikuar për zhytje dhe madje edhe një qendër që fryn xhama, ka shumë për t’ju mbajtur të zënë pa pasur nevojë të shkoni diku tjetër.
Por sidoqoftë nuk mbaron me kaq. Soneva Fushi është gjithashtu shtëpia e Cinema Paradiso, ekrani më i madh i filmave në natyrë në Oqeanin Indian. Karantina nuk është dukur kurrë më joshëse se sa në këtë ‘parajsë mbi tokë’. (CNN)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.