Virusi godet kërkesën për naftë – IEA: Do të bjerë për të parën herë në një dekadë!

Kërkesa botërore për naftë pritet të tregojë tkurrjen e parë tremujore në mbi 1 dekadë, sipas Agjencisë Ndërkombëtare të Energjisë,  për shkak të koronavirusit dhe mbylljes së fabrikave në Kinë.  Kërkesa pritet të bjerë me 435,000 fuçi në ditë në tremujorin e parë 2020, ç’ka shënon tkurrjen e parë tremujore në mbi 10 vite.

Rënia e kërkesës bëri që agjencia të shkurtojë projeksionet e vitit 2020  në 825,000 fuçi në ditë, që është niveli më i ulët që prej 2011-s.   Agjencia shtoi se pritet një konusm më i ulët edhe te k Organizata e Vendeve Eksportuese të Naftës. Projeksionet vijnë ndërkohë që virusi vazhdon të ndikojë te humori i investitorëve në të gjithë botën si dhe tek aktiviteti ekonomik kinez, që është konsumatori më i madh në botë i naftës.

Ndikimi negativ tek kërkesa ka sjellë një rënie me rreth 10 dollarë të çmimeve të naftës, poshtë 55 dollarë për fuçi. “Në këndvështrimin e prodhuesve, përpara koronavirusit, tregu pritej të ekuilibrohej në gjysmën e dytë të 2020-s, për shkak të uljes së prodhimit dhe kërkesës së fortë.  Tashmë rreziku i virusit ka bërë që OPEC të konsiderojë shkurtime të mëtejshme të prodhimit”, deklaroi Agjencia Ndërkombëtare e Energjisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.