Virusi i Kinës/ Mbërriti te njerëzit nga gjarpërinjtë – Rritet numri i viktimave
Virusi kinez i vitit 2019-nCoV erdhi te njerëzit nga gjarpërinjtë: janë pikërisht këto kafshët në të cilat virusi, i transmetuar nga lakuriqët e natës, është rikombinuar dhe më pas ka kaluar tek te njerëzit. Kjo tregohet nga analiza gjenetike e botuar në Journal of Medicalology nga Wei Ji, Wei Wang, Xiaofang Zhao, Junjie Zai, dhe Xingguang Li, nga universitetet e Pekinit dhe Guangxi. Hulumtimi u krye me mostrat e virusit nga vende të ndryshme në Kinë dhe nga specie të ndryshme pritëse.
Organizata Botërore e Shëndetit (OBSH) ka vendosur të vazhdojë shqyrtimin e situatës sot para se të përcaktojë nëse koronavirusi i ri i zbuluar në Kinë është një emergjencë ndërkombëtare e shëndetit publik. Kjo u njoftua nga Drejtori i Përgjithshëm i OBSH-së Tedros Adhanom Ghebreyesus pas një takimi të gjatë të Komitetit të Emergjencave të thirrur për të vlerësuar shtrirjen e epidemisë së re të virusit, pas rasteve të para jashtë Kinës.
OBSH pranoi se masat e marra nga Kina “minimizojnë” rrezikun e përhapjes ndërkombëtare të infeksionit të ri të koronavirusit. Drejtori i agjencisë së KB, Ghebreyesus, përsëriti se OBSH do të presë deri nesër përpara se të vendosë nëse do të shpallë një emergjencë ndërkombëtare.
Koronavirusi i ri ka shkaktuar viktima të tjera në Kinë: rastet e konstatuara në të gjithë vendin kanë tejkaluar shifrën 400. Sipas raportimeve nga media shtetërore kineze, vdekjet kanë arritur deri në shtatëmbëdhjetë. (ansa)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.