Virusi i ri Covid “anulon” Krishtlindjet – Anglia ashpërson karantinën

Boris Johnson ka njoftuar kufizime më të rrepta të virusit përpara Krishtlindjeve për shkak të një lloji të ri, më infektues të koronavirusit.

Kryeministri i Mbretërisë së Bashkuar tha se Londra dhe pjesë të Anglisë juglindore dhe lindore do të kalojnë në kufizimet “Tier 4” me të gjitha dyqanet jo-thelbësore të mbyllura nga nesër.

Njerëzit në ato zona duhet të qëndrojnë në shtëpi dhe nuk mund të udhëtojnë gjatë pushimeve dhe qeveria po rekomandon që njerëzit në të gjitha nivelet të mos udhëtojnë gjatë Krishtlindjeve.

Qeveria kishte planifikuar fillimisht të linte rregulla që lejonin tre familje të takoheshin mbi pesë ditë për Krishtlindjen, por kjo tani do të kufizohet vetëm në Ditën e Krishtlindjes.

Kjo vjen pas një rritje “dramatike” të infeksioneve në juglindje dhe Londër, ku në disa zona, shumica e rasteve të reja COVID-19 janë varianti i ri, tha profesor Chris Whitty, zyrtari kryesor mjekësor i Anglisë.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.