Virusi i ri kinez, i ngjashëm me SARS – Konfirmohen raste në të gjithë vendin përpara Vitit të Ri kinez
Përhapja e një pneumonie në Kinën Qendrore ka marrë vrull, ndërkohë që mbi 200 persona janë diagnostikuar më një virus të ri të ngjashëm me SARS dhe ekspertët thonë se sëmundja po përhapet me hapa të shpejtë. Ndërkohë që kontrollet për virusin e ri tek personat me temperaturë dhe kollitje janë shtuar, rastet e reja të virusit në Kinë u rritën gjatë fundjavës.
Përhapja e virusit pritet të shtohet, ndërkohë që afron Viti i Ri kinez, ku mbi qindra milionë udhëtojnë për t’u ribashkuar me familjet e tyre. Wuhan, qyteti kinez u nisi përhapja e virusit, mban tashmë mbi 200 raste të konfirmuara, ku përfshihen dhe 3 vdekje. Persona të infektuar me virusin janë raportuar në Pekin dhe Guangdong.
Korea e Jugut ka konfirmuar rastin e parë, pas Tajlandës dhe Japonisë që lajmëruan të njëjtën gjë javën e kaluar. Organizata Botërore e Shëndetësisë publikoi udhëzime për diagnostikimin të Premten e kaluar. Rritja e rasteve konfirmon se një patogjen i ri po transmetohet tek njerëzit, dhe jo vetëm nëpërmjet kafshëve. Megjithatë, nuk ka deri më tani raportime të infektimit tek punëtorët e kujdesit shëndetësor, çka tregon se virusi i ri nuk është aq i rrezikshëm sa SARS, që vrau mbi 800 persona në vitin 2002.
Shtetet në të gjithë botën kanë rritur kontrollin e udhëtuesve, përpara sezonit të pushimeve në Kinë që nis këtë të Premte. Aeroportet ndërkombëtare në New York, Los Angeles dhe San Fransisco kanë rritur monitorimet, duke i’u bashkuar qyteteve aziatike që nisën mbikëqyren më datë 31 Dhjetor. Ekspertët thonë se mbi 1,700 persona në Vuhan mund të jenë të infektuar me virusin. Rritja e rasteve të virusit rriti vlerën në bursë të kompanive që prodhojnë antibiotikë në Kinë me mbi 10%.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.