‘Vit i mbarë’ për muzetë, kalatë dhe parqet arkeologjike/ Instat: Rreth një milion vizita në vitin 2018!
Viti 2018 ka qenë një vit i mbarë për muzetë, kalatë dhe parqet arkeologjike! Rreth një milion qytetarë kanë vizituar institucionet kulturore përgjatë këtij viti.
Sipas INSTAT, numri i vizitorëve në muze në vitin 2018 është 311.940, duke shënuar një rritje me 44.7 % krahasuar me 2017. Në kala e monumente të tjera, numri i vizitorëve ka një rritje prej 53.4 % krahasuar me vitin paraardhës.
E njëjta gjë ka ndodhur dhe në parqet arkeologjike, të cilat kanë numëruar 377.845 vizitorë, 50.8 % më shumë se në 2017. Kjo rritje e ndjeshme e vizitave tregon njohje më të gjerë të vlerave kulturore të Shqipërisë, si nga vendasit, ashtu dhe nga turistët e huaj.
Jenida Vladi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.