Viti i ri “hap” baret e restorantet – Urdhri i Manastirliut: Asnjë kufizim aktiviteti natën e ndërrimit të viteve
Natën e ndërrimit të viteve baret, restorantet apo fast-food-et nuk do të kenë asnjë kufizim në ushtrimin e aktivitetit. Pavarësisht se Komiteti Teknik i Ekspertëve deklaroi disa ditë më parë se në datën 31 dhjetor 2021 do të hiqej vetëm ora policore, me qëllim lehtësimin e lëvizjes së qytetarëve, një urdhër i firmosur nga ministrja e Shëndetësisë dhe Mbrojtjes Sociale, Ogerta Manstirliu , që është publikuar në Fletoren Zyrtare lejon ushtrimin e aktivitetit edhe gjatë orëve të natës, që deri më tani ka qenë e ndaluar.
Ndërkohë që, duke mbajtur parasysh traditën e viteve të kaluar, lejimi i aktivitetit për këto subjekte duket se i hap rrugë festimeve të qytetarëve në këto ambiente. Lehtësimi i masave anticovid në Shqipëri është krejtësisht i kundërt me atë të qeverive të vendeve të ndryshme në Evropë, që kanë ndërmarrë një sërë masash shtrënguese gjatë periudhës së festave të fundvitit, me qëllim frenimin e përhapjes së COVID-19. Kjo, sidomos pas shfaqjes së variantit Omicron, që ka rritur ndjeshëm infektimet në këto vende. Ndërkaq, autortietet kanë konfirmuar zyrtairsht se ky variant po qarkullon edhe në vendin tonë, ndonëse varianti Delta është mbizotërues. Aktualisht, në Shqipëri numërohen 5129 raste active me COVID-19, ndërkohë që niveli I vaksinimit, pavarëissht rritjes nuk është mbi 50% e popullatës.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.