Vizita e Trump në Japoni – I bën thirrje vendit që të sheshojë pabarazitë tregtare
Presidenti i Shteteve të Bashkuara, Donald Trump, i bëri thirrje kryeministrit të Japonisë, Shinzo Abe, që të sheshojë pabarazitë tregtare dhe shtoi se është i kënaqur me mënyrën se si po zhvillohen ngjarjet me Korenë e Veriut. Trump tha në një konferencë me Shinzo Abe pas samitit në Japoni, se objektivi i tij është heqja e barrierave tregtare, në mënyrë që eksportuesit amerikanë të konkurrojnë drejtësisht në Japoni. Ai tha se shpreson të ketë të reja së shpejti mbi tregtinë dhe shtoi se të dy kanë rënë dakord për të shtuar bashkëpunimin mes vendeve.
“Në lidhje me tregtinë, do të ketë lajmërime me shumë mundësi në muaji Gusht dhe kjo do jetë pozitive për të dy vendet. Kemi pak punë për të arritur Japoninë, për shkak se ata kanë bërë më shumë biznes me ne. Do doja ta përmbysja këtë pabarazi, do të arrijmë një ekuilibër tregtar së shpejti,” u shpreh Trump.
Shinzo Abe tha se të dy liderët kanë rënë dakord që të përshpejtojnë bisedimet mbi tregtinë, por i’u shmang pyetjeve mbi afatin kohor. Trump, që ndodhet në një vizitë 4-ditore në Japoni, shkroi në Twitter lëvizjet konkrete mbi tregtinë do të presin deri sa të zhvillohen zgjedhjet në muajin Korrik në Japoni. Trump shprehu gjithashtu optimizëm mbi denuklearizimin e Koresë së Veriut dhe përsëriti se nuk ishte shumë i shqetësuar nga raketa e fundit e lëshuar nga regjimi i izoluar. Trump tha se është dakord me liderin Kim Jong Un, që e ka quajtur ish zv/Presidentin Joe Biden, si një individ me inteligjencë të ulët.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.