Vjedh bankën, dhuron paratë, më pas bërtet ‘Gëzuar Krishtlindjet ’

Një burrë me mjekër të bardhë ka grabitur një bankë dy ditë para Krishtlindjes dhe ka hedhur gjithë paratë në rrugë për kalimtarët dhe i uronte ata duke thirrur ‘Gëzuar Krishtlindjet’ në rrugë.

Policia tha se ai grabiti Bankën e Akademisë në Kolorado Springs gjatë drekës. Ndërsa dëshmitarët thanë se ai nxirrte para nga çanta dhe i shpërndante nëpër rrugë. Më pas ai është ulur në një kafene afër zonës dhe priste që të arrestohej.

Në një gjest veçanërisht festiv, kalimtarët raportohet se kanë grumbulluar të gjitha paratë nga rruga dhe i kanë dërguar përsëri brenda bankës.

Policia e Colorado Springs e emëroi të dyshuarin si David Wayne Oliver, 65 vjeç dhe se vjedhjen e ka kryer tërësisht i vetëm.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.