Vjedhje lokali dhe magazine – Policia e Elbasanit arreston në flagrancë 19 vjeçarin  

Policia e Shtetit ka njoftuar se Shërbimet e Policisë të Elbasanit kanë arrestuar në flagrancë 19 vjeçarin O. Sh. të dyshuar si autor i dy vjedhjeve i cili nuk e zbatonte vendimin e Gjykatës për arrest shtëpie.

Sipas njoftimit nga veprimet e mëtejshme hetimore të kryera nga specialistët për Hetimin e Krimit dyshohet se ky shtetas është autor i dy vjedhjeve, konkretisht:

• Më datë 27.06.2020 në fshatin Mengël, Elbasan, dyshohet se ka vjedhur me thyerje lokalin në pronësi të shtetasit K. M., ku ka marrë mallra të ndryshme me vlerë 20.000 lekë.
• Më datë 17.06.2020, në fshatin Mengël, Elbasan, dyshohet se ka tentuar të vjedhë në magazinën në pronësi të shtetasit P. D.

Materialet hetimore i kaluan Prokurorisë pranë Gjykatës së Shkallës së Parë Elbasan, për veprimet e mëtejshme.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.