Vjedhje parash – Policia arreston shtetasin në Peqin
Policia e Shtetit ka bërë të mundur ndalimin e autorit të pestë të dyshuar për veprën penale Vijon puna për kapjen e personave të shpallur në kërkim kombëtar.
Sipas njoftimit, Shërbimet e Komisariatit të Policisë Peqin, bazuar në informacionet e marra në rrugë operative kanë bërë të mundur lokalizimin, kapjen dhe ndalimin e shtetasit E.J., 18 vjeç, banues në Peqin. Policia tha se shtetasi ishte i shpallur në kërkim nga Komisariati i Policisë Peqin.
Sipas njoftimit, kapja dhe ndalimi i tij u bë pasi Gjykata e Rrethit Gjyqësor Elbasan, ka vendosur masën e sigurisë “Arrest në burg”. Arsyeja e arrestimit ishte, pasi më datë 08.05.2019 , në Peqin, shtetas në fjalë në bashkëpunim me shtetasit B.H., M.Ll., S.I., dhe E.Sh., të cilët janë arrestuar më parë, kanë hyrë në banesën e shtetasit S.Z., dhe kanë vjedhur një sasi parash.
Policia tha se materialet hetimore i kaluan Prokurorisë pranë Gjykatës së Shkallës Parë Elbasan për veprimet e mëtejshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.