Vjen shërbimi i ri për tregtarët e makinave! ‘Easy Check’, kontrolli fizik i automjeteve pa shkuar te zyrat e DPSHTRR

Tregtarët e automjeteve në vend që kanë vështirësi për të shkuar te drejtoritë rajonale të DPSHTRR-së do të përfitojnë lehtësira shërbimi. DPSHTRR njofton kontrollin fizik të lëvizshëm, një shërbim fleksibël dedikuar biznesit. Kjo nënkupton se për të kryer procedurën e kontrollit fizik nuk do të jetë domosdoshmëri paraqitja në zyrat rajonale të DPSHTRR-së.

“Je dealer/koncesionar shitje automjete apo ke flotë mjetesh të rënda/të veçanta/të shumta si sasi dhe ke merak/risk sigurimin e mjetit apo vështirësi ardhje te rajonalet e DPSHTRR?  Vjen Easy Check te ju! Kontrolli Fizik mobil, shërbim fleksibël i dedikuar në ndihmë të biznesit!” njofton DPSHTRR.

Pas testimit të kësaj risie tjetër si shërbim, çdo gjë do jetë edhe me rezervim online, informatizuar me tablets mes e-DPSHTRR (upgrade 2019 në implementim!), me leverdishmëri absolute reciproke!

“Ulim radhët te Kontrollit Fizik në rajonale, biznesi ul shpenzimet dhe riskun në minimum!” përfundon njoftimi i DPSHTRR.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.