Vjen vaksina-adezive – Hexapro është me një dozë të vetme, me kosto të ulët mund të mbahet edhe në nxehtësi
Keni frikë nga gjilpëra e shiringës? Kundër Covid-it do të jetë më e lehtë të vaksinohesh në një mënyrë alternative dhe krejtësisht pa dhimbje, pra me anë të copave dhe spërkatjeve. Teknologjitë potencialisht të vlefshme edhe në vendet me ekonomi të brishtë dhe sisteme shëndetësore prapa me fushatat e vaksinimit sepse me akses të reduktuar në vaksinat tani të disponueshme: është perspektiva që mund të shihet me një studim të sapo shpallur në revistën Science Advances që vendos mundësinë në qendër të vëmendjes të një vaksine adezive, me kosto të ulët dhe të administrueshëm në një dozë të vetme dhe për më tepër i lehtë për t’u ruajtur në temperaturën e dhomës.
Rezultati i një bashkëpunimi mes Universitetit të Queensland dhe Teksasit, përbërësi aktiv i adezivit quhet Hexapro dhe tani për tani ka dhënë rezultate të mira te kafshët. Ajo përmban 5000 mikrogjilpëra të padukshme për t’u administruar përmes lëkurës Hexapro, një produkt që tashmë i nënshtrohet provave klinike në formulimin e injektueshëm. Hexapro bazohet në një version të modifikuar të proteinës virale Spike, e cila e bën atë më të qëndrueshme për më gjatë, në fakt mund të mbahet mbi një muaj në 25 gradë dhe për një javë në 40 gradë; prandaj është premtuese në vendet e varfra me infrastrukturë të dobët shëndetësore, edhe sepse ka kosto të ulët.
Në studimet e kafshëve të kryera deri më tani, copëza e vaksinës është gjetur të jetë efektive në mbrojtjen e tyre nga infeksioni dhe shkakton një përgjigje të fortë imune, më të madhe se ajo e vaksinës së administruar me injeksion. Duke pasur parasysh thjeshtësinë e aplikimit dhe ruajtjen e lehtë, nëse provat klinike rezultojnë efektive, vaksina adezive mund të bëhet shumë e dobishme në vendet më të pafavorizuara që kanë më pak akses në vaksinat aktualisht në përdorim.
Krahas kësaj mundësie, është edhe ajo më konkrete e një vaksine të re kundër Covid, aktualisht në shqyrtim nga Agjencia Europiane e Barnave, ajo e SHBA-së Novavax, e cila premton të jetë efektive kundër varianteve dhe që bazohet mbi të gjitha në një mekanizëm i mirë-testuar dhe i sigurt, në përdorim prej 30 vitesh në zhvillimin e vaksinës, ai i “proteinave të ri kombinuara”.
E thënë thjesht, vaksina Novavax përmban një formë të proteinës Spike të prodhuar në laborator me inxhinieri gjenetike dhe më pas një ndihmës për të stimuluar përgjigjen imune të trupit. Por kjo nuk është e gjitha, në fushën e inovacioneve, përveç vaksinës adezive, po studiohet edhe ai spray, i cili mund të ofrojë mbrojtje më të mirë edhe sepse do të provokonte një përgjigje imune direkt në traktin e sipërm respirator dhe potencialisht në mushkëri, duke shkaktuar një përgjigje antitrupore, lokale dhe një përgjigje të limfociteve T, pra, janë alternativat e mundshme për të ardhmen e afërt, të cilat jo vetëm që mund të ndihmojnë në thyerjen e skepticizmit dhe rezistencës ndaj vaksinës, por edhe të lehtësojnë fushatat e vaksinimit në hemisferën jugore. Ilmessaggero
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.