Vjen vala e dytë e Covid-19 në Azi. Nga Australia e deri në Vietnam qeveritë rikthejnë kufizimet
Shtetet aziatik po përballen me valën e dytë të infeksioneve të koronavirusit dhe po mbyllen përsëri për të përmbajtur sëmundjen, ndërkohë që Australia ka regjistruar rritje rekord të rasteve dhe Vietnami ka mbyllur disa qytete. Kina po lufton me rikthimin më agresiv të Covid-19 në disa muaj, duke konfirmuar 57 raste të reja lokale dirën e Diel, që është niveli më i lartë që prej muajit Mars, nxitur nga infeksionet e reja në rajonin perëndimor Xinjiang.
Në Verilindje, provinca e Liaoning raportoi ditën e pestë radhazi të infeksioneve të reja. Hong Kongu pritet të lajmërojë kufizime të tjera këtë Javë, përfshirë ndalimin e restoranteve dhe veshjen e detyruar të maskave. Këto masa, që pritet të nisin nga e Mërkura, do të ishin të parat që qyteti mbyll tërësisht restorantet. Autoritetet australiane paralajmëruan se karantina 6-javore në pjesë të shtetit juglindor të Viktorias mund të zgjasë më shumë, pasi vendi regjistroi rritjen më të madhe ditore të infeksioneve. Pjesa më e madhe e Australisë nuk ka raste të virusit, por rritja e infeksioneve në 2 shtete më të populluara në Juglindje, ka bërë që autoritetet të marrin masa për të parandaluar përhapjen në të gjithë vendin.
Në Japoni, qeveria bëri të ditur se do të urhdërojë liderët e bizneseve që të shtojnë masat kundër virusit, si punimi me turne dhe rritje të normës së punimit nga shtëpia. Japonica ka shmangur infeksionin në masë por rritja rekord në javët e fundit në Tokio dhe qendra të tjera urbane, ka bërë që ekspertët të shqetësohen për një valë të dytë. Vietnami ka evakuuar 80,000 persona, kryesisht turistë lokalë nga qyteti i Danangut, pasi 3 banorë u testuan pozitiv me koronavirus në fundjavë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.