Vjero vizitë pune në DRT Sarandë: Të nisë zbatimin e një plani masash për sezonin turistik
Analiza e punës gjatë vitit të kaluar të administratës tatimore të Drejtorisë Rajonale Gjirokastër e Sarandë ka qenë edhe fokusi i takimit të Drejtoreshës së përgjithshme të Tatimeve, Vasilika Vjero me drejtuesit e tyre.
Më tej ajo është ndalur edhe te performaca e dy muajve të parë të vitit 2018, ku u analizuar kryesisht edhe mbledhja e detyrime të prapambetura si dhe strategjia konkrete që do të ndiqet gjatë këtij viti.
Po ashtu, një tjetër çështje e cila u diskutua gjatë këtij takimi ishte edhe ajo e zbatimit të procedurave për rimbursimin e TVSH-së si dhe respektimi i afateve ligjore.
Në kuadër të luftës kundër informalitetit dhe rritjes së tatimpaguesve, Vjero ka kërkuar nga administrata tatimore e Sarandës që të nisë sa më shpejt zbatimin e një plani masash për sezonin turistik.
Po ashtu, ka vënë theksin edhe te biznesi i vogël për t’i ardhur në ndihmë jo vetëm përmes në këshillimit në “Këndin e Asistencës për Biznesin e Vogël”, por edhe me kryerjen e vizitave të planifikuara në terren.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.