VKM/ Pronarët e pasurive të paluajtshme që preken nga ndërtimet e legalizuara. Miratohet fondi
Këshilli i Ministrave ka miratuar vendimin për ‘Kompensimin financiar të pronarëve të pasurive të paluajtshme, pronë private, për sipërfaqet takuese, të zëna nga ndërtimet e legalizuara’ në drejtoritë vendore të Agjencisë Shtetërore të Kadastrës: Tiranë Veri, Tiranë Jug, Vlorë, Elbasan, Krujë, Berat, Shkodër, Lezhë, Durrës, Kamzë-Vorë, Tiranë Rurale 1, Tiranë Rurale 2, Sarandë, Gjirokastër, Lushnjë, Fier, Zonat e Stimuluara dhe Korçë.
Sipas informacionit masa e kompensimit është 93 262,6 (nëntëdhjetë e tre mijë e dyqind e gjashtëdhjetë e dy presje gjashtë) m² dhe vlera e përgjithshme e kompensimit financiar është 846 656 513,94 (tetëqind e dyzet e gjashtë milionë e gjashtëqind e pesëdhjetë e gjashtë mijë e pesëqind e trembëdhjetë presje nëntëdhjetë e katër) lekë, sipas shtojcës 1, që i bashkëlidhet këtij vendimi dhe është pjesë përbërëse e tij.
Në vendimin e publikuar në faqen zyrtare për kompensimin e pronarëve theksohet se do të përdoren po ato të ardhura që arkëtohen nga drejtoritë vendore të Agjencisë Shtetërore të Kadastrës, si rrjedhojë e kalimit të pronësisë nëpërmjet shitjes së parcelës ndërtimore, si për pasuritë shtetërore, edhe për pasuritë e të tretëve, në favor të objekteve informale që legalizohen.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.