Vodafone hedh dritë mbi Huawei – Ka zbuluar përçarje të sigurisë në pajisjet e firmës kineze
Kompania e telekomunikacionit Vodafone, zbuloi përçarje të sigurisë në pajisjet e furnizuara nga firma kineze Huawei te biznesi italian në vitet 2011 dhe 2012, sipas deklaratave të vetë kompanive, të lajmëruar fillimisht nga Bloomberg.
Vodafone, grupi më i madh telefonik në Europë, deklaroi se kishte zbuluar cënueshmëri në siguri në 2 produkte dhe se të dy rastet ishin zgjidhur shpejtë. Kompania identifikoi përçarje në software që mund t’i ketë dhënë Huawei akses të paautorizuar ndaj rrjetit fiks të Vodafone në Itali, një sistem që i ofron shërbime të internetit miliona shtëpive dhe bizneseve. Huawei, prodhuesi më i madh në botë i pajisjeve të telekomunikacionit, ndodhet në mbikëqyrje të ashpër pasi Shtetet e Bashkuara i kanë kërkuar vendeve aleate që të ndalojnë përdorimin e teknologjisë, prej shqetësimeve se përbëjnë një mjet të spiunimit për Kinën.
Huawei e ka mohuar në mënyrë kategorike këtë gjë. Britania u përpoq të përfshihej në këtë betejë mes dy vendeve javën e kaluar, duke vendosur të bllokojë Huawei nga të gjitha pjesët bazike të rrjetit 5G. Huawei lajmëroi se ishte vënë në dije të problemeve në vitet 2011 dhe 2012 dhe shtoi se i ka trajtuar gjatë asaj kohe.
“Cënueshmëritë në software përbëjnë një sfidë për të gjithë industrinë”, deklaroi Huawei. Kompania shtoi se ashtu si ç’do shitës i teknologjisë së komunikacionit, ata janë të pajisur me një sistem të lajmërimit dhe kur cënueshmëritë identifikohen, ndërmerren veprimet e duhura korrigjuese.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.