Vodhën 30 milion lekë në një pikë valute – Policia e shtetit arreston shtetasin dhe shpall në kërkim dy bashkëpuntorët
Nëpërmjet një njoftimi në faqen zyrtare Policia e Shtetit ka bërë me dije se ka finalizuar operacionin policer të koduar “Valuta”.
Policia ka zbardhur dhe dokumentuar në kohë rekord ngjarjen e ndodhur më datë 04.05.2021, në rrugën “Mihal Duri”, ku 3 shtetas i vodhën me dhunë 3.000.000 lekë të reja, punonjësit të një pike valute.
Nga ngjarja është arrestuar në flagrancë njëri prej autorëve të dyshuar të kësaj ngjarjeje R.S, 22 vjeç dhe janë identifikuar dhe shpallur në kërkim dy nga bashkëpunëtorët, me precedent të mëparshëm penal M. Gj., 26 vjeç, i dënuar më parë për vjedhje dhe M. B, 26 vjeç, i dënuar më parë për plagosje të rëndë
Sekuestrohet në cilësinë e provës materiale shuma e parave të vjedhura nga këta 3 shtetas.
Policia ka njoftuar se po vijon puna për kapjen e shtetasve të shpallur në kërkim, të cilët kanë qenë dy personat që ndodheshin me motor në momentin që ka ndodhur ngjarja, ndërsa shtetasi R. S. (i arrestuar) i ka ndihmuar duke i informuar për lëvizjet e të dëmtuarit.
Materialet në ngarkim të tyre i kaluan Prokurorisë pranë Gjykatës së Rrethit Gjyqësor Tiranë, për veprën penale “Vjedhja me dhunë” kryer në bashkëpunim.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.