”VOLVO” prezanton limitin e ri të shpejtesisë për vitin 2020

”Volvo Cars” tha se do të prezantojë një limit të ri shpejtësie prej 180 km në orë për të gjitha automjetet e reja, pasi fabrika e makinave suedeze kërkon të forcojë masat e saj të sigurisë dhe të përmbushë premtimin për të eleminuar viktimat e pasagjerëve deri në vitin 2020.

Volvo, ka një shpejtësi maksimale prej 212 km/h dhe ka bërë një përparim të madh në objektivin e saj të ashtuquajtur ,”Vizioni 2020″, me vdekje zero ose lëndime serioze. Shefi ekzekutiv Hakan Samuelsson tha se nuk ka gjasa të përmbushë qëllimin pa masa shtesë për të pasur më shumë nën kontroll sjelljen e shoferit.

“Ne kemi kuptuar se për të zgjidhur këtë çështje duhet të përqendrohemi më shumë tek faktorët njerëzorë“, tha Samuelsson për Reuters.

Përveç faktorit të shpejtësisë, Volvo ka në plan të shfrytëzojë teknologjinë duke përdorur kamera që monitorojnë gjendjen e shoferit dhe të rrisin vëmendjen për të dalluar në kohë rekord këmbësorët, të cilët mund të jenë të hutuar ose të dehur, dy ndër faktorët më të mëdhenj në aksidente, tha Samuelsson.

Ndërsa blerësit e ‘’Volvo’’-s shpesh zgjedhin markën për sigurinë e tyre, Samuelsson pranoi se limiti i ri i shpejtësisë mund të sjellë ulje të blerjeve në tregje të tilla si Gjermania, ku shoferët zakonisht udhëtojnë në 200 km/h ose më shumë.

“Ne nuk mund t’i kënaqim të gjithë, por ne mendojmë se do të tërheqim klientë të rinj,” tha CEO i kompanisë. “Unë mendoj se konsumatorët e ”Volvo” në Gjermani do ta vlerësojnë se po bëjmë diçka për sigurinë e tyre,” tha ai.

E.Z/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.