‘Volvo’ prodhon XC40 SUV në Kinë, pas rritjes së kërkesave

Volvo Cars ka filluar prodhimin e SUV kompakt XC40 në Kinë, si shkak i rritjes së kërkesave për këtë lloj prodhimi. Ndërsa ndikimi i  luftës tregtare të Uashingtonit me Pekinin përhapet, Volvo ka qenë duke modifikuar objektet prodhuese për modelet e saj. Volvo, e cila është në pronësi të Geely të Kinës, tha se që nga 8 prilli ajo gjithashtu po prodhohet në Luqiao, në jug të Shangait.

“Kërkesa për XC40 ka tejkaluar pritjet tona më optimiste,” tha CEO i Volvo, Hakan Samuelsson.

Modeli ka shitur më shumë se 100,000 njësi që nga fillimi i saj në fund të vitit 2017. XC40 bazohet në një platformë që Volvo zhvilloi me Geely, projektuar për të ndarë kostot e zhvillimit dhe prodhimit të një automjeti mjaft konkurrues.

Kompanitë e prodhimit të makinave po kalojnë një nga periudhat e tyre më të pasigurta, të goditura nga luftërat tregtare, shpenzimet në rritje për zhvillimin e makinave elektrike dhe një rënie industriale që ka dëmtuar edhe markat më fitimprurëse.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.