Von der Leyen: ‘Nuk duam një Brexit të vështirë’
Kreu i ardhshëm i Komisionit Europian tha se do të ishte e gatshme t’i akordojë Britanisë një shtyrje të bisedimeve për daljen nga BE nëse Londra shfaq mirëkuptim dhe kooperim, duke shtuar se një largim i rregullt do të ishte i rëndësishëm për të nisur lidhjet e ardhshme në një bazë të mirë.
Në një intervistë me një konsorcium të gazetave europiane, përfshirë Sueddeutsche Zeitung të Gjermanisë, Ursula von der Leyen tha se BE do të priste së pari që një kryeministër i ri britanik të zgjidhej dhe pastaj të kërkonte bisedime të mëtejshme
“Ne nuk duam një Brexit të vështirë. Kjo nuk është e mirë për të dyja palët. Ne kemi një marrëveshje të mirë për daljen”, tha ajo, duke iu referuar një marrëveshje që është refuzuar nga të dy kandidatët për të pasuar Kryeministren britanike Theresa May.
Duke u kthyer tek deficiti i Italisë, von der Leyen tha se rregullat e financimit të sanksionuara në Paktin e Stabilitetit dhe të Rritjes së BE-së duhej të respektohen, por shtoi: “Ka shumë fleksibilitet në rregulloren që mund të përdoret më plotësisht për të mundësuar rritjen e investimeve“. (Reuters)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.