Vonesa e Brexit, i kushton Britanisë miliona paund!- Kompanitë e trageteve kërkojnë të rinovojnë kontratat
Qeveria do të jetë e detyruar të shpenzojë dhjetëra miliona paund shtesë për të mbajtur kontratat e saj të me kompanitë e trageteve nëse Brexit do të vijojë të shtyhet ende.
Burime për BBC, kanë konfirmuar se do të duhet të kryhen pagesa shtesë, për dy kompani tragetesh, për të mbuluar kostot gjatë kësaj periudhe vonesash, dhe në rast se Britania do të dalë nga Bashkimi Europian, më 29 mars. Brittany Ferries, një nga kontraktorët, tha se kishte bërë tashmë shpenzime për karburantin dhe për personelin, ndaj ai duhet të kompensohej për këto shpenzime. Në dhjetor, Departamenti i Transportit kontraktoi tre furnizues për të ofruar kapacitete shtesë në tragete në mënyrë që të transportojnë dhe kamionë.
Burimet pranë Departamentit për Transport i konfirmuan BBC-së, që pagesat shtesë do të duhej të bëhen për Brittany Ferries dhe kompaninë daneze të trageteve DFDS, për të mbuluar shpenzimet e tyre deri më tani. nTë njëjtat burime, raportojnë se thanë se anulimi i të tre kontratave, para fundit të marsit do të pësonte një pagesë ekstra prej 56.6 milion funtesh.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.