Vonesa e Brexit – May, nën presion për të vazhduar drejtimin?

Kryeministrja britanike Theresa May është nën presionin e vazhdueshëm nga Partia e saj Konservatore për të udhëhequr Britaninë jashtë Bashkimit Europian muajt e ardhshëm, edhe nëse kjo do të thotë një Brexit pa marrëveshje.

Një letër e nënshkruar nga 170 prej 330 Ligjbërësve konservatorë në parlament, duke përfshirë 10 ministra të kabinetit, i’u dërgua May, pasi marrëveshja e saj Brexit u hodh poshtë për herë të tretë. Votimi la tërheqjen e Britanisë nga BE në trazira. May ka ngritur mundësinë e një vonese të gjatë të Brexit për shkak të bllokimit në parlament ku ajo nuk ka shumicën. Shumë nga ligjvënësit e saj kanë kërkuar prej kohësh një ndërprerje të menjëhershme nga BE.

Britania ka më pak se dy javë për të bindur 27 vendet e tjera të BE që të zgjidhin bllokimin, ose të rrezikojnë të lënë bllokun më 12 prill, pa asnjë marrëveshje për të zbutur goditjen ekonomike. “Ne duam të largohemi nga BE më 12 prill ose shumë shpejt më pas” -citoi një ministër që mbështeste Brexit duke iu referuar letrës. Një zëdhënëse e May nuk pranoi të komentojë mbi letrën. Kryetari i Partisë Konservatore Brandon Lewis tha se ai ishte i vetëdijshëm për të por nuk e kishte parë. 650 anëtarët e dhomës së ulët të parlamentit kanë votuar kundër një Brexit pa marrëveshje. Të hënën, ligjvënësit do të përpiqen të bien dakord mbi një plan alternativ Brexit. Opsionet që deri tani kanë mbledhur më shumë mbështetje përfshijnë lidhje më të ngushta me BE dhe një referendum të dytë.

Kryetari i Partisë Konservatore tha se të gjitha opsionet ishin në tryezë, por se bashkimi doganor me BE-në, një ide e mbështetur nga Partia Laburiste e opozitës dhe disa konservatorë, do të ishte e vështirë. “Ne duhet të shohim se çfarë mund të bëjmë më pas dhe duhet të bëjmë diçka të ndryshme” -tha ai për BBC kur u pyet nëse May mund të përpiqet të vendosë marrëveshjen e saj të tërheqjes në një votim parlamentar për të katërtën herë.

“Parlamenti do të vazhdojë këtë proces të hënën dhe ne duhet t’i shohim të gjitha opsionet. Një bashkim doganor do të fluturojë përballë zotimeve të Partisë Konservatore përpara zgjedhjes kombëtare të vitit 2017 dhe nuk do të respektojë rezultatin e referendumit të Brexit të vitit 2016” –tha Lewis. Kur u pyet nëse një rrugëdalje nga bllokimi ishte të mbante një zgjedhje të re kombëtare, ai tha se nuk mendonte se votuesit britanikë dëshironin të ktheheshin në votime.

Burimi: Reuters

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.