Vonesa në nisjen e trageteve në portin e Durrësit si pasojë e motit të keq – APD informon mbi situatën

Autoriteti Portual i Durrësit njofton se për shkak të motit të paqëndrueshëm, në Port sot ka prezencë të reshjeve të shiut, shoqëruar me erë të fortë  nga kuadrati i jugut.

Sipas njoftimit si kushtet e motit kanë ndikuar në nisjen e trageteve drejt Barit me disa orë me vonesë, përkatësisht “Af Francesca” nisur në orën 02:35 dhe “Rigel VII” nisur drejt Barit në orën 02:50.

APD bën me dije se nuk janë krijuar vonesa në mbërritjen e trageteve në Portin e Durrësit, të dy tragetet e linjës Bari-Durrës janë akostuar në oraret e parashikuara ndërsa procesi i përpunimit të mallrave po vijon aktualisht pa probleme.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.