Vonesat dhe transparenca e Drejtësisë – Helsinki: Prokuroria nuk vë në dispozicion të dhënat, 17 vendime të paargumentuara
Komiteti Shqiptar i Helsinkit ka bërë publik raportin e monitorimit të sistemit të drejtësisë për periudhën prill 2018-Mars 2019.
Mes problematikave më shqetësuese, Drejtoresha Ekzekutive e kësaj organizate Erida Skëndaj, evidentoi refuzimin e Këshillit të Lartë të Drejtësisë për të dënuar disa gjyqtarë gjatë vitit të shkuar, por edhe mosvënien në dispozicion të dokumentacionit të kërkuar për disa çështjeje nga ana e Prokurorisë së Përgjithshme, ashtu si dhe mungesën e argumentimit nga organi i akuzës të 17 vendimeve për transferime apo lëvizje prokurorësh.
Raporti i Komitetit Shqiptar të Helsinkit evidentoi si problematike vonesat e theksuara që kanë shoqëruar ngritjen e organeve të reja të drejtësisë dhe të procesit të rivlerësimit të gjyqtarëve e prokurorëve.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.