Votohet 45,385 herë – Ky është resorti më i pëlqyer në të gjithë botën

Fotografitë e perëndimit të diellit janë gjithnjë të këndshme, por një nga fotografitë më të pëlqyera të perëndimit të diellit ka qenë pikërisht ajo e vilave në Maldive.

Sipas një sondazhi të kohëve të fundit, vilat “Anantara Kihavah” në arkipelagun Baa Atoll të Maldiveve janë konsideruar si “Hoteli që ja vlen më së shumti të hidhet në Instagram”, me plot 45,385 vota.

Është fare e thjeshtë për të kuptuar se pse kaq shumë njerëz votuan për këtë pamje në këtë ishull. Uji i kristaltë, plazhet e paprekura suitat luksoze private nuk kanë nevojë qoftë edhe për një filtër për t’i bërë miqtë tuaj të Instagramit xheloz.

Hoteli ka 80 vila private me pishina për vizitorët si dhe ofron aktivitete të ndryshme të cilat nuk mund t’i gjeni askund tjetër, të tilla si konsumimi i një vakti në restorantin nënujor si dhe një qilar vere nënujor.

Por të gjitha këto shërbime dhe pamja mbresëlënëse si askund tjetër vijnë sigurisht me një çmim, i cili shkon 934 dollarë për një natë pa përfshirë këtu tarifat e tjera si transferimet.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.